Dös mög´n mia:
Boarisch tanz´n, boarische Tracht, boarisch leb´n, boarisch red´n und a zünftige boarische Musi.
Dös mach´ma in unserm Verein:
Boarisch tanz´n, boarische Tracht o´ziag´n und a herzoag´n, boarisch leb´n, boarisch red´n und a a zünftige boarische Musi, zwar ned sejba macha, oba gern hör´n.
Dö zwoa Leitsätz vo uns und vo an jed´n Tracht´nverein hoaß´n:
Treu der Sitt´ ----- Treu der Tracht ----- Treu der Heimat
und
Sitt´und Brauch der Alten, wollen wir erhalten.
Wir bieten:
Oiss rund um Tracht und Tradition:
Mia lern´ma Eich s´boarisch tanz´n, o´gfangt vom oafach´n Dreher, Boarischen, Walzer (Landler) bis hi zum Zwiefachen, oafache und a schwierige Figurentänz.
Mia woi´n vasuacha, dö oid´n Traditionen zum vamittl´n, wia zum Beispej:
Am Aschermittwoch geht dö Fastenzeit o´, und ab da bis zum Ostersonntag werd ned öffentlich tanz´d.
Genau wia nach dem Namenstag der Hl . Katharina (25. November) nimma tanz´d werd (Kathrein stejd an Tanz ei!), weil danach dö staade Zeit (Adventszeit!) o´geht.
Wir suchen:
Gleichg´sinnte, ob Jung oda scho älter, dö sö da Tracht´nbewegung o´schliaß´n woll´n, und dene dös echte Boarische no wos wert is.
Mia daad´n a dringensd an Vereinsmusikanten suacha, der uns zu unsane Volkstanzabende aufspej´d. Not´n sand vorhand´n.
Kontaktdaten:
Trachtenverein "Berglerbuam" Sandweg e.V.
Mietzing 10
94469 Deggendorf
Telefon: +49 991 4462
Fax: +49 991 3791949
Internet: trachtenverein-berglerbuam-sandweg.de