wize.life
Neu hier? Jetzt kostenlos registrieren und mitmachen! Warum eigentlich?

De AMANDA

02.05.2014, 11:54 Uhr
Beitrag von wize.life-Nutzer

De „Amanda“

Nee , seggt de ole Bruno Wokeck,go man wedder op de Kai rop, du kummst nich mit rut , de Engländer gestatten dat nich.
De ole Mors , har he dat nich föher seggn kunt, ers sä he jo, un denn dat ?Jungedi , wat weer ick gifti un wull wedder to Huus gohn, over dor weer keeneen, Modder un Geschwister weern bi Oma un Opa op Dörp und ick har keen Schlöttel.De dachen doch , ick weer mit rut to Poarrn fischen, mit de Amanda.
De Amanda weer son lüttje Kutter , so bummeli 7 m lang un leeg jümmers in`ne Binnenhoben.
De Wokecks verköften jemm Poarrn von de Kutter weg un so holt ick ok vun do min Poarrn.
Mit de Jüngste vun de Wokecks, mit Günter ,he weer al een poar Johr öller as ick, harr ick mi wat anfründ un min grötste Wunsch weer , mol mit rut to fischen to fohrn un de Ol sä jo.
Froh an`ne Morgen schullt losgohn. Modder har mit smeerte Brote inpackt u nick truk los un an Bord un tövte op de annern.Jo ,un denn keem dat so ganz anners a sick dacht har.De ole Bruno hett mi vunnarrn holn, DAT heff ick emm nich vergeeten!!
Und denn keem dat, de Amanda har sik ophungen, bi Flott o kort fastmokt, hung se ganz scheef an`ne Kai in`ne Tauen………As denn dat Water wedder oppleep, keek blos noch de Mast ut Water rut……De Amanda weer afsopen…
Ick stun`n an`ne Kant un heff mi een högt…
So , dat weer de Strof doför, dat he mi so vunarrn holn hett un de ganze Hoben hett sick weglacht!!!
1947 ist dat ween und ick weer 11 Johr old.

Mehr zum Thema

Kommentare

Melden Sie sich jetzt mit Ihrem Nutzerkonto an, um Kommentare zu hinterlassen.

wize.life News per Push Benachrichtigung in Ihrem Browser aktivieren

Benachrichtigungen aktivieren
Weitere Beiträge von diesem Nutzer