HUS 9 Edelweiss als Modell
HUS 9 Edelweiss als ModellFoto-Quelle: Schifffahrtsmuseum Husum.

Min erste fangfohrt

Beitrag von wize.life-Nutzer

Poarrn 3
HUS 9 „Edelweis“
De öllste Kutter in Husum, 1908 buut för 2000 Goldmark.Een Speegelkutter mit Rohrhuus vörn vör de Mast.
He hörte Ernst Lass,de Vadder von Schorschi, min Klassenkamrod.
Keem nu de Edelweis mit letzte oplopen Water, vun`t poarrnfischen in`ne Haaben rin, stun`n wi al an`ne kant un tövten op de frische Poarrn……..
( Es war einfach so usus , dass Jeder , der am Fischereihafen lief, einen Griff in die Krabbenkisten die am Kai standen, machen durfte und sich eine Hand voll Krabben nahm, um sie sofort zu essen. NIEMAND hatte etwas dagegen!! Mach das Heute mal !!??)
Dat het nich lang duert, un Claus un ick seeten op de sülve Bank in`ne Klass, ganz vörn in;ne erste Reeg in`ne Meern, direkt vör Chrischan sin Pult.Un dat het ok nich lang duert,dat ick mit to de „Haabengäng“ hörn de, denn dor weer`n ganze Reeg von de Fischerjunges in min Klass.
Jo, un sodenni keem dat denn ok , dat ick an Bord vun de Edelweis durf.
„Peer mi nich op de Planken „ sä Ernst to uns, „De sün möör“, wenn wi an Bord rumturn dän, weer jo`n ole Kutter.
Bet de Poarrn löscht weern, kun`n wi so veel eeten, as wi wulln.Fisch vun de Bifang kreegen Claus un ick ok mit to Huus.So richti frische Fisch !
Schorschi kreeg dat denn ok torecht, dat wi dree Junges mit rut to fischen dörm.
Endli, dach ick so bi mi,kom ick mol mit rut.Har ick lang nuch po luert.
Ganz fröh morgens gung dat mit aflopen Water los.Bet wi buuten weern, mussen wi uns in`t Logis versteeken.
De Hever gung dat lang , jümmers an`ne Baaken lang, de dat Fohrwater markeern.
Achter Pellworm wur dat Geschirr klor mokt, weer blos een.Vundaag ward jümmers mit twee Geschirrn fischt.
Ers keem dat Nett, dann de Boom butenbords…….
Son Stunstiid trucken wi dat Nett över de Grund, bet de erste Hol an Bord keem.Nu wor dat spannend, denn wat dor wul inne Sack weer.Wi Junges kunn`nt nich mehr aftöben, bet de Sack opmokt wur.
Denn weer dat sowiit….wat dor all bin weer……masse lüttje Fisch, Drules(Krebse), Aal,Seetungen,Schulln, Hering, Sprotten, Spitzen, Scharben, lüttje Kabeljau und natürlich Poarrn un de noch riikli.
Ick weer achter de Aal her, denn de verswunnen gau in`t Speigatt un torüch in`t Water.Denn de Fisch schulln wi mit no Huus hemm.
Wi mussen nu uutsammeln un sorteern, denn blos de Poarrn keem`n in`ne Keetel to koken.
Denn keem`n se op Seef un mit kole Water afschreckt.
Un denn, jo, denn heff ick frisch kokte Poarrn eeten………..
DEE Geschmack vergits du din Leben lang nich mehr, dat kanns mi glöben!!
Dree oder veer Hols mokten wi noch un denn güng dat wedder na Haaben to.
Dat weer min erste Reis, un ut hütige Sicht , ok min schönste Reis.